متعة ألعاب بوكيمون في استخدامك ل الأدوات

في هذي المدونة العزيزة علي

حبيت اطرح فيها موضوع يخص ألعاب بوكيمون

وايد ناس مب يالسين يستمتعون باللعبة لأنهم مايعرفون عن الأدوات واسرارها

أهم الادوات بالنسبة لي شخصياً

Amulet coin/luck incense
Repel/Super Repel/Max Repel
Exp share
Rocky Helmet
Escape Rope
Dowsing Machine
Revive /Max Revive/Revival Herb
Full Heal
X Attack

ومن النباتات/البيريز

Leppa berry
Lum berry

Amulet coin

عملها : تدبيل الفلوس الي تحصلها بعد فوزك ضد اي شخص من القصة.

كيف تحصلها : دايما فيه شخص بيعطيك إياها في كل لعبة

ملاحظة: عطها حق بوكيمونك الأول في القائمة

اول بوكيمون يطلع من الكرة في كل قتال

والأداة المشابهة لها هي

luck incense

كيف تحصلها: تشتريها من أحد البياعين في العربات او سوق شعبي

ويكون سعرها غالي شوي

فوق ال9000

Repel/super repel/max repel

عمله:

رشاش يخليك تمشي في العشب والكهوف واماكن البوكيمونات البرية بدون لا يطلعلك أحد بري، لفتره مؤقتة حسب عدد الخطوات

كيف تحصله: الماركت العادي

Exp Share

عمله: النقاط الي يحصلها بوكيمونك الأساسي بعد ما يغلب الخصم، تنرسل لجَميع بوكيموناتك الي معاك في الشنطة / البارتي

كيف احصله: دايما يكون فيه شخص يعطيك

/في الأجزاء القديمه يختلف استخدامه

تعطيه ل بوكيمون واحد تبغي ترفع اللفل ماله

و اي معركة تكسبها بوساطه اي بوكيمون آخر، راح يروح رصيد النقاط للبوكيمون الي أعطيته اياه

يعني المستفيد بوكيمون واحد فقط.

Rocky Helmet

عمله: تعطيه لبوكيمونك، و اي ضربه يضربها الخصم ينضرب بالمقابل يعني يتضرر معاك

كيف تحصله: دايما يكون فيه شخص يعطيك بعد

هذي الأداة اكثر شي في الأجزاء القديمة قبل لا switch

Escape Rope

عمله : لما تدخل اي كهف و ودك تتراجع وتهرب للخارج تستخدمه ويطلعك ويرجعك من حيث أتيت

ملاحظة: بس يعمل في الكهوف

وين تحصله: في الماركت

ملاحظة : في هجوم اسمه teleport غالبا يكون abra عنده،

هالهجوم يردك اخر مدينه زرتها مهما كنت بعيد.

Dowsing Machine

عمله: اداة تكشف لك الادوات والكنوز المخفية في انحاء الاماكن في اللعبه، مثل الكلاب لما يبحثون عن رائحة. يكون كأنه حساس او سنسر يطلع صوت ولون حسب اقترابك من الشي

وين تحصله: دايما فيه شخص بيعطيك ومش موجودة في بعض الأجزاء القديمة جداً او اليديدة جدا

Revive

عمله: استعادة البوكيمون اللي أغمى عليه مع استعادة طاقته للنصف

وين تحصله: في الماركت

Max revive

عمله : مثل السابق لكن مع اسعادة الطاقة كاملة

وين تحصله: احيانا في ارجاء المكان و ما يبيعونه

Revival Herb

عمله : مثل السابق مع استعادة الطاقه كامله

وين تحصله: دايما بتحصله في سوق شعبي، حركة كبيرة في العمر او عابر سبيل بياع واقف

Full heal

عمله : يشفي بوكيمونك من المشاكل مثل الحرق او التسمم او التجمد او التكهرب

وين تحصله: في الماركت

x Aattack

عمله : تستخدمه في المعركة، يقوي ضربات بوكيمونك كلها بمعنى انه يدبل مفعول قوة الضربة عن المعدل الطبيعي ، ويروح مفعولها لما تستبدله او ترجعه، مفعوله فقط في معركتك الحالية يعني مؤقت.

وين تحصله: في الماركت حسب الفرع

اما بالنسبة للبنات

Leppa berry :

لكل هجمة او حركة لبوكيمونك فيه لها حد معين وتخلص مثلا الهجمة فيها رصيد 15 ضربة

Example : Surf 15 pp

هذي النبتة تستعيد عدد الضربات للهجوم الواحد مثل اعادة تعبئة الرصيد

هذي وايد راح تحتاجونها في الدوري النهائي

لما الهجوم القوي الي رصيده 5 او 10 هجمات

يخلص

Lum berry :

هذي مثل

Full heal